UKaizer Motaung Uyazigqaja Nxa uJessica Motaung Eqokwa eFIFA

Usungululi weKaizer Chiefs loSihlalo uDkt. Kaizer Motaung uveze injabulo yakhe enkulu ngemva kokuba indodakazi yakhe uJessica Motaung eqokwe ukuba yingxenye yeFIFA Men’s Football Stakeholders Commitee.

UJessica Motaung, oyiMarketing and Commercial Director yeChiefs, uqokwe yiNhlangano yamazwe omhlaba yeBhola lezinyawo ukuthi asebenze iminyaka emine, kusukela ngo-2025 kuze kube ngu-2029.

Lolu yisikhundla sakhe sakamuva ngemuva kokuba eqokwe njengo-Vice President we-African Clubs Association (ACA), okusukumela isandla sakhe esandayo ebholeni lase-Afrika nelomhlaba jikelele.

UDkt. Kaizer Motaung uchaze ukuqokwa kwakhe njengokuhlonishwa okufanele, kuveza ukuzinikela kwakhe, ubuchwepheshe bakhe, kanye lomthelela wakhe omkhulu ebholeni laseNingizimu Afrika lase-Afrika.

Wengeze wathi lokhu kuyisikhathi sokuzigqaja kuKaizer Chiefs njengoba indodakazi yakhe imele iklabhu, iNingizimu Afrika kanye le-Afrika ezingeni eliphezulu lebhola lomhlaba jikelele.

“Sizoqhubeka simsekela ngokuzimisela njengoba ethumela amakhono akhe avelele emhlabeni wonke. Siyazi ukuthi uqine futhi uzoletha imiphumela emihle kulekhephini,” kusho uDkt. Motaung.

UJessica Motaung naye ubonise injabulo yakhe ngalesi sikhundla, ebonga bonke ababebemsekela endleleni yakhe.

“Ngijabule kakhulu ngalolu hambo futhi nginethemba lokuqhubeka ngifunda ngabelane ngezinto engizaziyo ezwenikazi, ku-ACA, nasebhola laseNingizimu Afrika jikelele,” kusho yena.

Wengeze wathi,

“Kubalulekile futhi ukubonga i-PSL eholwa nguDkt. Irvin Khoza; i-SAFA ngaphansi kobuholi bukaDkt. Danny Jordaan; i-African Clubs Association ngaphansi kobuholi bukaEng. Hersi Said;

kanye bonke ababambe iqhaza ezwenikazi abaye bangihola basisekela endleleni yami.”