UParker usatshisa, uvula ngenhlekelele kaBongani Zungu

UBernard Parker ukhulume okokuqala ngesenzakalo esasisengozini yokupheza umsebenzi wakhe wokudlala ibhola.

Ngalesosikhathi ubesedlala kuTS Galaxy lapho abesewuqedela khona umsebenzi wakhe, kwenzeke isenzakalo esibuhlungu emdlalweni.

Kwakwumdlalo weCarling Knockout bebebhekene neMamelodi Sundowns lapho agozwa khona kabi nguBongani Zungu.

UBernard Parker walimala umlenze waphuka, kodwa okwethusile abanengi yindlela uZungu angazange atshengise ngayo ukuzisola, esilwa lomahluli owamkhipha ngekhadi elibomvu ngenxa yesenzo sakhe.

Ngitjho nangemva kwalokho, uZungu akhenge atshengise ukuzisola ngalokho okwenzekileko, begodu ekhuluma kuhlelo lukaMazola Molefe oluthi Behind the Boot, uParker uvulile ngalesenzakalo.

“Bengimthethelele kudala. Kodwana umeluleki wami wezokuphila wangitjela bona mhlambe kungenza ngipholiseke masinyana nakube ngikhulume naye.

“Lokho bekungenxa yokuthi bengisakubamba ngaphakathi… bengizibuza ukuthi umuntu angangenzela njani into enje angatshengisi ukuzisola, noma ukungifonela nje.

“Kodwana nase sizama ukwenza lokho, ngaya ku-Instagram kaBongani angimtholanga – mhlambe wangivimba.

“Ngathi ngathukuthela, umeluleki wami wathi, ‘cha, mhlambe singaya eChloorkop siyombona, nilume itiye ndawonye.’

“Kodwana ngathi cha, ngizokuphi kubalekela yena, ngingaphola ngedwa ngaphandle kwakhe,” kutjho uParker.

Uphinde wagxeka umqeqeshi wangaleso sikhathi weSundowns, uRulani Mokwena, ngokuthi uqambe amanga athi wathumela umlayezo kuye ngemva kwesenzakalo.

“URulani Mokwena uqambile, akhenge angithumelele umlayezo, akhenge angifinyelele ngananyana njani,” kwangeza uParker.