UKhune Uthululela Abadlali BeChiefs Ngentukuthelo!
Inkundla yeKaizer Chiefs itjhingile ngemva kobana iligendi lekilabhu u-Itumeleng Khune agxeke abadlali bamanje, abasolwa ngokutjengisa ukungahloniphi ngemva kokuhlulwa kabuhlungu ngo-3-0 yi-Orlando Pirates eSoweto Derby eFNB Stadium ngoMgqibelo.
AmaKhosi aqhubeke nokudana ngemiphumela emimbi, okwenze abalandeli batshwenyeke begodu amathemba wesizini aba sengozini enkulu.
Ngaphandle kokuhlulwa yizitha zedolobha, iChiefs iphume kuCAF Confederation Cup ngemva kokuhlulwa ngo-2-1 yiZamalek.
Lokho kulandele ukuphuma msinyana kuNedbank Cup ngemva kokwehlulwa yiStellenbosch FC.
IStelelenbosch iphinde yahlula AmaKhosi ngo-2-1 emdlalweni weligi phakathi neviki, okutjhiye iqembu lihlezi endaweni yesihlanu kuBetway Premiership linamaphuzu ama-30 ngemva kwemidlalo eli-17.
Ngemva kwemiphumela le, uKhune uthumele umlayezo oqinile ku-Instagram athi:
“Okungenani Hloniphani uSihlalo, amaligendi kanye nabalandeli be-Amakhosi.” Wengeze wathi: “Kukuhlambalaza okuphelele.”
AmaKhosi azokuzama ukubuyisa isithunzi sawo nakaya eKwaZulu-Natal lapho azokuqalana khona neRichards Bay eMhlathuze Stadium.
Umdlalo lo ubanikela ithuba lokuphakamisa umoya weqembu nokuvuselela amathemba wokuphetha isizini asezingeni eliphezulu.
Ukuphetha phakathi kwabathathu abaphezulu kusese yinjongo enkulu yekilabhu kule sizini.
Umqeqetjhi neqembu loke kulindeleke ukuthi basebenze budisi ukulungisa amaphoso abonakeleko, khulukhulu ekuvikeleni nasekuhlaseleni.
Abalandeli balindele ukuphendula okuqinile kubadlali, njengoba isikhathi sokulwela indawo ephezulu ethebuleni siya ngokuya siphela masinyana.
