U-Chipezeze uveza imfihlelo yokuwina ama-Carling KO Awards

Umgadli we-Magesi FC, u-Elvis Chipezeze, uvule izimfihlo zakhe ngemidlalo yakhe ekhuthazayo kanye nezinselele iqembu lakhe elibhekane nazo ngesizini le.

U-Chipezeze usephenduke ‘inkosi’ yeCarling Knockout ngemuva kokuwina amaMan of the Match amaningi kunawo wonke, ese-wina ayisithupha.

Ekhuluma ngasese noLisenethini, u-Elvis Chipezeze uthi akasebenzi kuphela eCarling Knockout.

“Ngisebenza kanzima ukuze ngisize i-Magesi FC iphumelele, kungakhathaleki ukuthi sidlala ku-MTN8, Nedbank Cup, Carling Knockout, noma ku-Betway Premiership,” kutjho u-Chipezeze.

Lo mgadli ongumuntu wesipiliyoni, owaziwa ngobukhona bakhe obuqinile phakathi kwezipesheli, uthi ukudlala kwakhe njalo kuza ngenxa yokuzimisela nokuzibophezela empumelelweni yeqembu.

“Abadlali be-Magesi bayazi ukuthi ngimi ngiqinile endaweni yami. Nanyana izinto zingabi zimnandi noma zimnandi, ngiyemi phakathi kwezipesheli,” kutjho yena.

“Isizathu sokuthi ngiwine iMan of the Match izikhathi ezisithupha wukuthi ngihlala ngilwela ukuqinisekisa ukuthi asiphuthwa umdlalo, kodwa siwina umdlalo.

“Esizini sethu sokuqala ku-Betway Premiership, siwine iCarling Knockout ngokusebenza kanzima,” wengeze u-Chipezeze.

“Ukususwa kwethu eCarling Knockout kundumaze ngoba bengifuna ukuthi sivikele ibhodwe, kodwana sizame konke okusemandleni ethu futhi sahluleka.”

“Ukushintsha njalo kwabantu abaqeqetshayo kusilimaze. Siqale isizini sethu sokuqala noClinton Larsen,” wengeze.

“Wasiphakamisa esuka kuMotsepe Foundation Championship, kwabuye kwafika uOwen Da Gama, manje sekufika uJohn Maduka, osezisazama ukuhlanganisa iqembu.”

Nanyana nezinselele lezi, u-Chipezeze usaqhubeka ezibophezela ekusizeni i-Magesi FC ifinyelele ukuzinza nokukhula okuqhubekayo ngesizini yabo yokuqala ku-Betway Premiership.