UMhlongo asayinela AmaZulu FC ngesivumelwano esinodlolo
Iqembu le Betway Premiership iAmaZulu FC seliqinise iqembu lalo ngomnyaka ka-2025/26 ngokusayinisa umdlali wasaphakathi uLangelihle Mhlongo ongumdlali wokuhlasela.
UMhlongo useyingxenye yomndeni kaUsuthu ngemva kokuhlukana lakhe lezimbangi iRichards Bay FC, lapho achithe khona iminyaka emine edlala khona.
Ujoyine iqembu likaArthur Zwane njengomdlali okhululekile ngemva kokusayinela isivumelwano esigcweleyo leAmaZulu.
Ngaphambi kokusayina lakhe inkontileka yobungcweti leNatal Rich Boyz, uMhlongo udlale kumaqembu e-amateur njengeMagic Future Stars loEthekwini Coastal, lapho kwakubuthelwa khona italenti lakhe lebhola.
“Iqembu leAmaZulu Football Club lijabulela ukumemezela ukusayiniswa komdlali ovela eKwaMashu uLangelihle Mhlongo, ojoyine uUsuthu ngesivumelwano esilodlolo njengomdlali okhululekile,” kutsho isitatimende seqembu.
“Umadlali oneminyaka engu-24 ufike ngemva kokuchitha iminyaka emine lamakhelwane aboKwaZulu-Natal iRichards Bay FC.
UMhlongo wamukelwe ngokusemthethweni emndenini kaUsuthu nguMongameli wekilabhu uSandile Zungu e-AmaZulu Fan Experience, lapho bekugcwele injabulo.
Uzakube egqoke ijersey inombolo 3 kulonyaka.”
“Ngaphambi kokudlala kwakhe kobungcweti leNatal Rich Boys, uMhlongo wakha italenti lakhe kumaqembu e-amateur asekhangayo iMagic Future Stars loEthekwini Coastal.”
“Ngizizwa ngithabile njalo ngihloniphekile ukudlalela iqembu engikhulele ngifisa ukulimelela. Iqembu elikhulu njengeAmaZulu FC.
Ngakho-ke ngicela ukwesekwa kwabalandeli; ngilungele ukupha konke engilakho. Ngilungele ukusiza iqembu ukufezela imigomo yalo,” kutsho uMhlongo.
“Ngilindele ukudlala labalingani bami abatsha lokusebenza koMqeqetshi uArthur Zwane kanye lethimu yakhe yobuchwepheshe.
Ngithanda njalo ukubonga iqembu lami langaphambili ngakho konke elingenzele khona.”
