Ikusasa likaNtwari liyaqhutjeka eKaizer Chiefs

Umgcini wemphande weKaizer Chiefs, uFiacre Ntwari, angase angabe esakade eNaturena ngemva kokubikwa kokuthi kube nokungaboni ngasolinye phakathi kwakhe nethimba lobuchwepheshe ngaphambi kwekhefu leFifa elidluleko.

Lo mgadli weRwanda udlalele ilizwe lakhe emidlalweni emibili yeFIFA World Cup kwalifikeyitha bebhekene neBenin kanye neNingizimu Afrika ngesikhathi sekhefu.

Kodwana bekumangalisa ukuthi akazange abonakale eqenjini elidlalile ngeledluleko kwavusa imibuzo emitjha mayelana nesimo sakhe eqenjini.

Imithombo ithi ukungezwani kwaqala ngesikhathi sokuhlulwa kweChiefs yiStellenbosch FC kumdlalo weCarling Knockout, lapho kuthiwa uNtwari wenqabe ukutjintshwa.

Isenzo lesi sabonwa ngabanengi eqenjini njengokuphikisa obala.

Umqeqeshi uCedric Kaze ngaleso sikhathi wathi udaba luzalungiswa ngaphakathi kweklabhu.

Selokhu ajoyine eqenjini leChiefs evela kuTS Galaxy ngesizini edlulileko, lo mdlali oneminyaka engu-26 uhluleke ukubamba indawo yokuba nguNombolo 1, alokhu elwa noBrandon Petersen noBruce Bvuma ngesikhathi sokudlala.

Kwatjhiswa umlilo nangaphezulu ngesikhathi umqeqeshi weRwanda, uAdel Amrouche, atjho ukuthi uNtwari unamathuba wokudlala phesheya —

kodwana intengo ephezulu ebekwe yiChiefs ithintile ukuthengiswa kwakhe.
Kuthiwa iklabhu ayizange ithokozele lawo mazwi asesidlangalaleni.

Ngenxa yalokho, uNtwari akazange afakwe eqenjini eladlala emdlalweni weCaf Confederation Cup bebhekene neAS Simba eDR Congo.

UPetersen uqale umdlalo kanti uBvuma ube esitebeleni okusobala ukuthi ikusasa likaNtwari eKaizer Chiefs selithwele amanzi.