Ikhaya Lezintandane Ligqoka Isidladla Esitjha ⚽️
Kuvulwe isahluko esitjha emlandweni webhola laseSoweto ngoLwesibili ekuseni lokha i-Amstel, engumlingani wesiphuzo esisemthethweni se-Orlando Pirates Football Club, yethula ibizo elitjha lenkundla edumile – iOrlando Amstel Arena.
Umcimbi wokwethulwa wenzeke maphakathi ne-Orlando, eSoweto, begodu wavulwa ngokufanele ngengoma nomthandazo oqakathekile ovela ekwayeni ye-Orlando Pirates.
Okudale umoya wokucabangisisa nowokuthokoza kulesi sikhathi somlando.
Ekhuluma emcimbini lo, uMlawuli Omkhulu we-Orlando Pirates uMcebo Dlamini ugcizelele ukuqakatheka kokuthuthukiswa kwezikhungo ebholeni lasemalokishini.
Kanye nobudlelwano obujulile obukhona phakathi kweqembu, inkundla nomphakathi.
Uthe ithalente likhona kodwana okuvame ukusilela zikhungo.
Wangezelela ngokuthi inkundla ithwele umlando, incazelo nomthwalo wemfanelo emphakathini.
UDlamini uphinde wanikela amazwi wokubongela usihlalo weqembu uDkt Irvin Khoza ngomgubho welanga lakhe lokubelethwa.
Ingwazi yePirates u-Edward Motale naye ukhumbule iinkumbulo nezimpawu ezixhunyaniswe nenkundla, kanti uBrighton Mhlongo wathi le ndawo izohlala iyikhaya kulabo abagqoke umbala omnyama nomhlophe.
Umcimbi udonse ukunakwa emphakathini begodu izitaladi zema isikhatjhana ngesikhathi kuthulwa ibizo elitjha.
IOrlando Pirates izobuyela ekudlaleni ekhaya layo elitjha mhla izamukela iMagesi FC emdlalweni weBetway Premiership ngoMgqibelo.
Lapho abalandeli bazokwamukelwa zizihlalo ezitjha ezibomvu ezinesifaniso se-Amstel.
Lokhu kulindeleke bona kuqinise ukuzigqaja komphakathi, kukhuthaze abatjha, begodu kulethe umoya omutjha webhola eSoweto.
