IBafana Bafana izilungiselela imidlalo ebalulekileko
IBafana Bafana sele izilungiselela imidlalo yeFIFA World Cup ka2026, begodu iviki elizako lizokuba nendima enkulu eqenjini likaHugo Broos.
Ngo Lwesihlanu 5 Septhemba, iBafana izadlala ne Lesotho emdlalweni othiwa ngowekhaya weLesotho, kodwana uzakudlalelwa e Free State Stadium eBloemfontein, ngombana iLesotho ayinayo indawo eqinisekisiwe yiCAF.
Umdlalo uzakuqala ngo-18:00. Umqeqeshi uBroos ukhuthaze abadlali bakhe bona bangalibali ukufaneleka komdlalo, nekufanele banqobe ukuze bahlale eduze kweNigeria eqongeni kweqembu.
Ngemva kwemihla emine, iBafana izakudlala ne Nigeria endaweni efanako ngemva kokobana iFIFA neCAF zikhiphe isiqinisekiso sokusebenzisa isikhungo ngemva kokubekwa imibuzo ngesigodi.
Imidlalo le emibili izakuba nomthelela omkhulu ekutheni iBafana ingadlulela phambili na.
U-Broos ukwazise abadlali abatjha abahlanu, begodu u Mduduzi Shabalala weKaizer Chiefs uthole ukubizwa okuthomeni eqenjini elikhulu.
Lo mdlali oneminyaka engama-20 uthe leli lithuba elikhulu lokusiza ilizwe lakhe.
Kodwana kunemibuzo ngokudlala kuka Teboho Mokoena ngomdlalo kaMashi lapho iBafana yanqoba khona iLesotho ngo-2–0.
Nakubayini iLesotho ingazange ikhuphe isimangalo, amazwe afana neNigeria neBenin akhuthaza iFIFA bona iphenye.
Njengombana izinto zimile, iBafana kumele igxile emidlalweni.
