Amakhosi bafunyanwa banemiraro efanako

Umfundisi wesikhatjhana weKaizer Chiefs, uKhalil Ben Youssef, uvumile ipilo ekhathazako abahlangana nayo eqenjini.

IChiefs ayikatholi amapontjhi amathathu kuDondobalo womhlangano kuhlelwe kathathu zilandelana ngemva kokuthi idlale ngo-1-1 neAmaZulu FC eFNB Stadium ngoLwesithathu.

Okunye okuqinisa imiraro yeAmakhosi kukuthi abadlali bayo bahlulekile ukufaka amagoli amabili kumdlalo munye emidlalweni elithoba, kuthi iinhlolo ezine kuphela ezinqotjhwe zibe ngo-1-0.

Abakakghoni ukunqoba nanoma ngubani uma abaphikisi nabo bafaka igoli.

“Ngicabanga bona sinemiraro efanako endaweni yokugcina (last third),” kutjho uBen Youssef ngemva komdlalo.

“Umhlangano munye nomunye siyabusa, sidala amathuba amanengi, kufikela nepinalidi, namhlanjesi siyiphutjhile. Asiwafakile amagoli.
Nanyana sifaka, kufana nesenzeko sikaKhanyisa Mayo, sabanjwa ngo-offside.

Kodwana abadlali batjengisile umqondo oqinile, isibindi esiqinile.

Bekungasuku embi kithi njengoba singakatjhumi igoli, begodu akusikho esingakutjho ngaphandle kokuragela phambili sisebenze, silungise imaphutha endaweni yokugcina.

Ukudlala kwabadlali bekulula namhlanjesi, bamane baphutjha amathuba, kodwana kudalwa sithwalelwe liphango.

Kodwana kumele siqhubeke sisebenze,” kutjho yena, aqale athi ikhefu leFIFA elizako lizoba lilitjhudu lokulungisa.

“Kubalulekile kithi ikhefu leFIFA (ngemva komdlalo neStellenbosch FC ngeSonto).

Sizokuba nesikhathi sokusebenza nokulungisa izinto, begodu nabadlali abalimeleko nabo nabadlali abanemibhalo, ngicabanga bona bazokuba balungele ngemva kwekhefu leFIFA.

Asikakhathazeki ngabadlali abasesiqenjini.”