UZwane udumisa uBern noMhlongo njengabakilasikhi eUsuthu
Umqeqetjhi we-AmaZulu, uArthur “10111” Zwane, udumise abatjha bokusayinwa eqenjini lakhe, uLiam Bern noLangelihle Mhlongo, abatjho njengabadlali bekilasikhi abazokufaka amandla amakhulu eqenjini lakhe.
UZwane uthe ukufika kwabo kuzokhulisa ikhwalithi yabadlali phakathi kwefethe, begodu kuzosiza ekulwisaneni namalanga asele ngaphambi kwekhefu le-Afcon.
UBern, onemnyaka eli-22, wasayinwa ngaphambi kokuqala kwesikhathi kodwana i-AmaZulu ayizange imemethele ngoba iCape Town Spurs ibiphikisa ukudluliselwa kwakhe njengomdlali okhululwe mahhala.
I-Dispute Resolution Chamber sele imqinisekisile, begodu sele alungele ukudlala kokuqala ngoMgqibelo ngesikhathi i-Usuthu izokghadisana neSiwelele FC eMoses Mabhida Stadium.
UMhlongo, oneminyaka eli-24, ufike njengomdlali okhululwe mahhala ngemva kokuhlukana neRichards Bay ekupheleni kwesikhathi esidluleko.
UZwane uthi bobabili banekhono, amava, nekhwalithi efunwa yi-AmaZulu kilesi sikhathi. “Bona bayinzuzo eqinile.
Sifuna bona kudala kodwana manje siyathokoza ngokuthi sele bakhona,” kutjho umqeqetjhi.
Uveze bona banekhono lokwengeza inani eqenjini, ikakhulu njengoba eqembu lifuna ukuzinzisa indawo yalo phezulu ku-Betway Premiership log.
AmaZulu athole ukunqoba emidlalweni emihlanu, alahlekelwe kathathu, adlala ngokulingana kathathu, athola amaphuzu ali-18 ngemva kweemidlalo eziyi-11.
UZwane uthi uyaneliseka ngendlela eqinile kodwana akakaqedi, akghomba imidlalo abalahle khona amaphuzu nanyana bebebusa.
Ufuna amaphuzu aphelele emidlalweni emithathu yokugcina yonyaka —
neSiwelele, Richards Bay neGolden Arrows — ngaphambi kwekhefu le-Afcon, begodu uthemba ukuthi ukufika kukaBern noMhlongo kuzokwenza iqembu libe namandla angaphezulu.
