UMcKenzie wenza isithembiso esikhulu ngemali kuBafana
Ungqongqotjhe wezemidlalo, uGayton McKenzie, usethembise umvuzo wemali elinganiselwa ku-R5 milhiyon kuBafana Bafana-
Kanye nethimba lobuchwephesha ngemva kokuthi batjele umlando ngokufikelela kuFIFA World Cup ka-2026.
UGayton McKenzie wenze isimemezelo esimangalisako ngaphakathi egumbini lokutjhentjha ngemva kokuthi iSewula Afrika inqobe iRwanda ngo-3-0 ngomdlalo obekuseMbombela Stadium ngoLwesibili ebusuku.
Le mpumelelo iqinisekise indawo ephezulu eqenjini iGroup C, yaphetha iminyaka eli-16 yokungafiki kuMqhudelwano weWorld Cup kubadlali beBafana.
“Lokho enikwenzileko namhlanje kufanelwe ukuhlonitjhwa,” kutjho uMcKenzie kubadlali.
“Ngizakunika into ethileko.
Kodwana kufanele ihlanganyelwe ngibo boke. Sizakwenza nijabule, ngombana senenze isizwe sajabula.”
Kokuthoma selokhu kwaba ngo-2002 lapho iSewula Afrika ifike kuMqhudelwano weWorld Cup ngokukhombisa amandlenayo.
Ukubamba kwabo iqhaza ngo-2010 bekungokobana bebekabamukeli belizweli.
Nanyana bekunezikhathi ezinzima endleleni kufaka phakathi ukudlala ngokulingana neZimbabwe kanye nokusulwa kwamaphuzu amathathu okwavusa ukungabaza uGayton McKenzie uthe akhenge alahle ithemba.
“Abanye bebahleka, kodwana abafana bethu badlale ngenhliziyo,” watjho. “INigeria ayisizanga; sidlale ibhola lethu, sawanqoba.”
Ungqongqotjhi uphinde wanikela ukudunyiswa okukhethekile kumqeqetjhi omkhulu, uHugo Broos, ozakubuyela kuMqhudelwano weWorld Cup ngemva kweminyaka engaba li-40 — kulokhu njengomqeqetjhi, ngemva kokuyakhona njengomdlali weBelgium ngo-1986.
“Ngaphambi kobana uHugo Broos abe ngumqeqetjhi, iBafana Bafana beyisihlamba sabantu,” kutjho uMcKenzie ngokuzikhakhazisa.
“Kodwana lo mqeqetjhi utjhentjhile izinto. Ngiyingqongqotjhi ejabulako kunabo boke ephasini.”
Njengombana iAfrica Cup of Nations izakubanjelwa eMorocco ezinyangeni ezimbili ezizako, uMcKenzie uthe uyathemba bona iBafana izokusebenzisa umoya wokuwina weWorld Cup, iqhubeke nokwenza isizwe sizizwe siqhenywa.
