UMaela ukhuluma ngendaba kaSaleng ePirates
Owayekaputeni we-Orlando Pirates, uInnocent Maela, ukhulume ngobuqotho ngendaba eyathinta ithimba ngesizini edluleko indaba kaMonnapule Saleng.
USaleng bekangomunye wabadlali abenze kuhle khulu, kodwana wangemuka eqenjini ngaphandle kwehlathululo.
Ekuqaleni kwesizini le, uthunyelwe eOrbit College njengomdlali mboleko, kodwana kunzima kuye ukuthola isimo sakhe sangaphambilini.
“Issue kaSaleng iyindaba ebucayi khulu. Abantu abayaziko kuhle ngaphandle kwakhe, ikilabhu nommeli wakhe,” kutjho uMaela.
“Ngabona ummeli wakhe ekhuluma kwenye indawo, kodwana angazi ukuthi watjho ukuthini khona.”
Ummeli kaSaleng, uKarabo Marang-Tshabuse, wahlambulula iPirates ku-Behind the Boot, kodwana akachazanga okwenzekako.
“Nathi eqenjini, nawufuna ukwazi, bekufanele ubuze yena. Kunesikhathi lapho angafikanga khona ngenxa yokumiswa,” kutjho uMaela.
“Ngesikhathi ekhona nathi, bekalungile, athi ‘ngilungile’ nawumbuza. Uyisihlahla, akatjengisanga ukukhathazeka.
Ngitjho nawukhuluma naye yedwa, bekahlala athi koke sekulungile. Izindaba bezivela ngaphandle, abantu bathi lokhu nalokhu.”
UMaela wathi kungenzeka uSaleng bekazama ukufihla imizwa yakhe ukuze angaphazamiseki ithimba.
“Abadlali bebhola bahlala bebanter, simkhumbuza ukuthi uhlale ushaya ama-finals.
Kodwana bekungabonakali ukuthi akekho esimeni esihle. Ngezinsuku lapho engazizwa kuhle, bekacela ukuphumula eqeqesheni.”
UMaela uthe usakhuluma noSaleng begodu uthabile eOrbit College.
Kodwana mayelana nokubuyela ePirates, akazange anike impendulo eqondile wathi uyakuthemba lokho.
Isivumelwano sakhe nePirates siphela ngoJuni wonyaka ozako.
