Okwatjhiwo nguBroos kuMbule ngemva kokufaneleka kweWorld Cup

Umqeqetjhi weBafana Bafana, Hugo Broos, ukhulumile ngomlayezo onamandla awutjhwileko kumdlali we-Orlando Pirates, Sipho Mbule, ngemva kokuthi iNingizimu Afrika ifanelekele iNdebe yehlabathi ka-2026.

USipho Mbule, obizwe ngemva kwesilonda sikaPatrick Maswanganyi, ubonise ukuzimisela okukhulu, okwenze umqeqetjhi uHugo Broos wathokoza ngokusebenza kwakhe okukhulu nokulwela.

UBroos uthe yena nomncedisi wakhe, Helman Mkhalele, bavumelene bona banike uMbule ithuba lesibili.

“Mina noHelman sakhuluma ngaye, savumelana bona simnike ithuba elinye godu,” kutjho uBroos kuSuperSport TV.

Lo mqeqetjhi waseBelgium akhenge akhulume ngobumnene ngesikhathi uMbule abuyela eqenjini.

Ngamtjela ngathi, ‘Leli lithuba lakho lesibili  emva kwalokhu, sekuphelile. Nawungalisebenzisi kuhle, sewuphelile.

Awusasoze ube seBafaneni ngingumqeqetjhi,’ kwatjho uBroos.

Wangezelela wathi,

“Ngambuta ngathi ufuna ukudlala ku-Afcon naseNdebeni yeHlabathi na? Wathi, ‘Yebo’.

“Ngamkhuluma ngathi, ‘Ngitjengise bona ukufuna kwakho kukhulu kangangani.’

Angikhe ngathandabuza ikhono lakhe lebhola  kodwana manje uyalwela, uyagijima. Lowo nguSipho Mbule esimdinga thina.”

UBroos waphetha ngomlayezo wokudumisa:

“Ngamtjela ngemva komdlalo ngathi, ‘Uwasebenzisile amathuba akho. Ngiyakuhalalisela.’”